Íslenski hesturinn er sannkallað náttúruafl og tími til kominn að hann verði virkjaður um heim allan. Pipar\TBWA ásamt Íslandsstofu og hagsmunaaðilum lögðust í Disruption®-vinnu á haustmánuðum 2015 þar sem hefðir og venjur í útflutningi á íslenska hestinum voru djúpgreindar og í framhaldi hófst uppbygging vörumerkis fyrir markaðsátak á erlendum mörkuðum. Lagðar voru línur um hvernig styrkja mætti ímynd íslenska hestsins í vitund fólks á heimsvísu, byggja upp sterkt vörumerki og þar með auka verðmætasköpun í útflutningi á hestinum sem og á þeim vörum og þjónustu sem tengjast honum.