Sláturfélag Suðurlands fagnaði stórafmæli árið 2017. Það eru ekki allir sem ná því að verða 110 ára og fá íslensk fyrirtæki hafa fagnað þeim áfanga. SS er óumdeilanlega okkar elsti viðskiptavinur og við höfum unnið margvísleg hönnunarverkefni fyrir félagið í gegnum tíðina og nokkur í tilefni afmælisins. Nýjasti vínarpylsumiðinn er til dæmis með afmælisbrag og í merkjum félagsins má nú sjá stofnár þess. Í tilefni afmælisins var einnig gerð heilsíðuauglýsing þar sem sagt var lítillega frá stofnfundi félagsins sem sunnlenskir bændur héldu við Þjórsárbrú 28. janúar 1907. Við óskum SS innilega til hamingju með afmælið.